Raqobat qo‘mitasi maktab bozorlarida faoliyat yuritayotgan tadbirkorlarga narxlarni asossiz oshirmaslik bo‘yicha murojaat bilan chiqdi.
Rugulyatorning qayd etishicha, respublika bo‘ylab umumta’lim maktablari, dehqon bozorlari va savdo komplekslarida mavsumiy savdo nuqtalari faoliyat yuritmoqda. Qo‘mita ota-onalar va o‘quvchilarga xarid jarayonida mahsulotning sifati, ishlab chiqaruvchisi, narxi va boshqa muhim ma’lumotlariga e’tibor qaratishlarini tavsiya etdi.
Tadbirkorlik sub’yektlariga esa maktab bozorlarida sotilayotgan mahsulotlarning sifati, narxlarning asosliligi, iste’molchilarga zarur axborotlarning taqdim etilishi hamda savdo jarayonida iste’molchilar huquqlariga rioya etilishi shartligini eslatib o‘tdi.
Fuqarolar narxlarni asossiz oshirish holatlariga duch kelganida bu yuzasidan Raqobat qo‘mitasining yagona 1159 ishonch raqamiga murojaat qilishi mumkin.
