Eron Hoʻrmuz boʻgʻozini ochish uchun AQShga yettita shartni ilgari surdi, deb xabar berdi Tasnim agentligi.
"Eron Hoʻrmuz boʻgʻozini ochish uchun AQShga vositachilar orqali yettita shartni yetkazdi va bu shartlar bajarilmas ekan, Hoʻrmuz boʻgʻozi ochilmaydi", - degan agentlik manbasi.
Uning qoʻshimcha qilishicha, Tehron va Maskat oʻrtasidagi dushanba kuni eʼlon qilinadigan kelishuvda Hoʻrmuz boʻgʻozining ochilishi koʻzda tutilmagan.
"Kelishuvga koʻra, Fors koʻrfaziga kirish toʻlaligicha Eron hududiy suvlari orqali oʻtadi, chiqish esa qisman Eron suvlari orqali oʻtadi", - deyiladi xabarda.
Manbaning soʻzlariga koʻra, AQSH Erondan ochishni talab qilayotgan Hoʻrmuz boʻgʻozining janubiy yoʻlagi ochilmaydi.
