Futbol boʻyicha Oʻzbekiston milliy jamoasi 1-oktabr kuni Toshkentda Suriyaga qarshi oʻrtoqlik uchrashuvi oʻtkazadi. Bu haqda OʻFA matbuot xizmati xabar berdi.
Oʻyin boshlanish vaqti soat 19:00 ekani koʻrsatilgan, ammo shahardagi aynan qaysi stadionda boʻlib oʻtishiga aniqlik kiritilmagan.
FIFAning yangilangan reytingiga koʻra, Oʻzbekiston 60-oʻrinda, Suriya esa 83-oʻrinda joylashgan.
Oʻzbekiston va Suriya milliy jamoalari shu vaqtgacha yetti marta oʻzaro oʻynagan. Shundan uchtasida suriyaliklar, ikkitasida oʻzbekistonliklar gʻalaba qozongan, ikki oʻyin durang hisob bilan tugagan. Umumiy toʻplar nisbati – 5:5.
Soʻnggi oʻzaro oʻyin 2024-yil yanvarida Qatar mezbonlik qilgan Osiyo kubogi doirasida boʻlib oʻtgan va unda 0:0 hisobi qayd etilgandi.
Fabio Kannavaro boshchiligidagi milliy jamoasi 2027-yilgi Osiyo Kubogiga (turnir 7-yanvardan 5-fevralga qadar Saudiya Arabistonida oʻtkaziladi) tayyorgarlik jarayonini boshlamoqda. Kuzgi yigʻin doirasida 24-sentabr kuni Fargʻonada Eron, 6-oktabr kuni safarda Janubiy Koreyaga qarshi oʻrtoqlik oʻyinlari ham oʻtkazilishi rejalashtirilgan.
