Milliy statistika qoʻmitasi Oʻzbekiston fuqarolari turistik maqsadlarda eng koʻp safar qilgan davlatlar roʻyxatini eʼlon qildi.
Rasmiy maʼlumotlarga koʻra, 2026-yilning dastlabki sakkiz oyida 5,3 mln nafar Oʻzbekiston fuqarosi turistik maqsadlarda chet elga chiqqan.
Bu koʻrsatkich 2025-yilning mos davriga nisbatan 109,9 ming nafarga koʻpaygan.
Oʻzbekistonliklar eng koʻp Qirgʻizistonga safar qilgan. Yanvar–avgust oylarida ushbu mamlakatga 2 mln 427 ming 526 nafar Oʻzbekiston fuqarosi borgan. Bu umumiy xorijiy safarlarning qariyb yarmiga teng.
Ikkinchi oʻrinni 955 ming 829 nafar sayyoh bilan Qozogʻiston, uchinchi oʻrinni esa 876 ming 650 nafar bilan Tojikiston egalladi.
Oʻzbekiston fuqarolari eng koʻp safar qilgan davlatlar:
Qirgʻiziston - 2 427 526 nafar;
Qozogʻiston - 955 829 nafar;
Tojikiston - 876 650 nafar;
Rossiya - 257 567 nafar;
Turkiya - 212 265 nafar;
Saudiya Arabistoni - 184 155 nafar;
Birlashgan Arab Amirliklari - 56 910 nafar;
Xitoy - 52 043 nafar;
Misr - 39 599 nafar;
Vetnam - 33 439 nafar.
Reytingning dastlabki uch oʻrnini Oʻzbekiston bilan chegaradosh davlatlar egallagan. Qirgʻiziston, Qozogʻiston va Tojikistonga jami 4 mln 260 mingdan ortiq fuqaro safar qilgan. Bu xorijga qilingan barcha turistik safarlarning qariyb 80 foizini tashkil etadi.
Uzoqroq yoʻnalishlar orasida Rossiya, Turkiya va Saudiya Arabistoni yetakchilik qilmoqda. BAA, Xitoy, Misr va Vetnam ham oʻzbekistonliklar koʻp borayotgan davlatlar oʻntaligiga kirdi.
