Oʻzbekistonning oltin-valyuta zaxiralari sentabr oyida qariyb 5,5 mlrd dollarga kamayib, 1-oktabr holatiga 66,6 mlrd dollarni tashkil etdi. Bu haqda Markaziy bank taqdim etgan hisobotda keltirib oʻtilgan. Oʻtgan oy davomida zaxiralarning valyuta qismi 702 mln dollarga, oltin qismining qiymati 4,8 mlrd dollarga kamaydi. Oʻz navbatida zaxiralar tarkibida oltinning fizik hajmi 14,1 mln troya unsiyadan 14,3 mln troya unsiyaga koʻpaygan. Bu tarixiy maksimum koʻrsatkich. Shu tariqa oltinning xalqaro zaxiralardagi ulushi 90 foizdan oshdi.

Regulyator investitsiya kiritgan qimmatli qogʻozlar portfeli ham 1 mlrd 765 mln dollardan 1 mlrd 691 mln dollargacha qisqargan.

«Oʻzbekiston Respublikasining yalpi xalqaro zaxiralari hajmi 2026-yil sentabr oyida 5,5 mlrd dollarga kamaydi. Xususan, oy davomida oltin narxining 4602 dollardan 4188,75 dollargacha tushishining taʼsiri -5,9 mlrd. dollarni tashkil etdi», deyiladi MB izohida.