Saudiya Arabistonining Ar-Riyoddagi qirol Xolid nomidagi xalqaro aeroportiga nomaʼlum snaryad kelib tushdi. Bu haqda Saudiya Arabistoni boshchiligidagi koalitsiya rasmiy vakili Turki ao-Malikiy maʼlum qildi.
Uning yozishicha, 4-yoʻlovchi terminaliga snaryad kelib tushishi oqibatida yongʻin kelib chiqqan.
Shuningdek, al-Malikiy havo hujumidan mudofaa kuchlari xalqaro aeroport hududi ustida qanotli raketani urib tushirganini bildirdi. OAV xabarlariga koʻra, jarohatlanganlar bor.
10-oktabr kuni husiychilar tomonidan qirol Xolid nomidagi aeroportga raketa zarbasi berilishi oqibatida 12 kishi halok boʻlib, 310 kishi jarohat olgandi.
The New York Times nashri qayd etishicha, bu AQSH va Isroil Eronga qarshi urush boshlashidan keyingi davrda mintaqadagi arab davlatiga qilingan eng ajalvor hujum boʻldi.
8-oktabrda ham ushbu aeroportga dron zarbasi oqibatida uch kishi, jumladan, Saudia aviakompaniyasi uchuvchisi halok boʻlib, bir necha kishi jarohat olgan, aeroport hududida turgan samolyot yonib ketgandi.
