Qarorga koʻra, roʻyxatga olish 2026-yil 15-oktabrdan 30-noyabrga qadar oʻtkaziladi. Roʻyxatga olish sanasi - 2026-yil 1-oktabr, soat 00:00.
Roʻyxatga olishda iqtisodiy birliklar: yuridik shaxslar, yakka tartibdagi tadbirkorlar, dehqon xoʻjaliklari, oʻzini oʻzi band qilganlar va roʻyxatdan oʻtmasdan faoliyat yuritayotgan subyektlar qamrab olinadi.
Yuridik shaxslar hisobot.stat.uz orqali, oʻzini oʻzi band qilgan jismoniy shaxslar esa census.stat.uz orqali mustaqil roʻyxatdan oʻtadi.
Roʻyxatga oluvchi xodimlar iqtisodiy birliklarni ularning faoliyat koʻrsatayotgan manzilida roʻyxatga oladi; soʻrov soat 9:00 dan 18:00 gacha oʻtkaziladi.
Bundan tashqari:
Biznes vakillariga doir maʼlumotlar sir saqlanadi va faqat statistik maqsadlarda foydalaniladi;
Savol va murojaatlar uchun 1851 qisqa raqamli koll-markaz tashkil etiladi.
Roʻyxatga olish yakuniy natijalari Milliy statistika qoʻmitasining rasmiy veb-saytida 2027-yil 1-sentabrga qadar eʼlon qilinadi.
Roʻyxatga olish tugagandan soʻng oʻn kun davomida roʻyxatga olingan iqtisodiy birliklarning 5 foizigacha qismi tanlanma nazorat ostida tekshiriladi.
