Bayram turar joy majmuasining bogʻ-hovlisida boʻlib oʻtdi. Bu kun aholi uchun bir-biri bilan yaqindan tanishish, suhbatlashish va yaxshi qoʻshnichilik anʼanalariga asos solish imkoniyatini yaratdi. Mehmonlar uchun oilaviy fotosuratga tushish joylari, bolalar mahallasi, turli interaktiv oʻyinlar hamda anʼanaviy osh tortiladigan taomlar hududi tashkil etildi. Live Band guruhining jonli ijrosi va maxsus mehmon Tohir Sodiqovning chiqishi bayramga yanada koʻtarinki kayfiyat bagʻishladi.
Tadbirning rasmiy qismi majmua aholisini qutlash bilan boshlandi. Unda Murad Buildings asoschisi Murod Nazarov va kompaniya bosh direktori Oybek Nurmuhamedov nutq soʻzladi. Ikkinchi bosqichning ochilishi «Soy Bo‘yi» majmuasi rivojida yangi sahifa ochib, yangi qoʻshnilar safini yanada kengaytirdi.
Bayram yakunida majmuaning birinchi va ikkinchi bosqichlarida yashovchi qoʻshnilar birgalikda esdalik suratiga tushdilar. SOY BO‘YI FEST yana bir bor shuni koʻrsatdiki, qulay yashash muhiti nafaqat zamonaviy meʼmorchilik va obodonlashtirilgan hudud, balki insonlar oʻrtasidagi samimiy munosabatlar, oilaviy uchrashuvlar va oʻzini uyidagidek his qilish tuygʻusidan ham boshlanadi.
Reklama huquqi asosida
