Foto: Milliy olimpiya qo‘mitasi
Indoneziyaning Jakarta va Palembang shaharlarida davom etayotgan XVIII yozgi Osiyo o‘yinlarining ikkinchi kunida O‘zbekiston delegatsiyasi hisobiga yana bir medal kelib tushdi.
Ushu sport turining Taulu yo‘nalishida ishtirok etayotgan Darya Latisheva 19 avgust kuni saralash bahslarida uchinchi natijani qayd etib, finalga chiqqandi. U bugun 12 nafar sportchi ichida ikkinchi natijani qayd etdi va kumush medalga sazovor bo‘ldi.
Bu O‘zbekiston Osiyo o‘yinlarida ushu bahslarida qo‘lga kiritgan ilk medal bo‘ldi.
Darya Latisheva 2016 yilgi jahon chempionati oltin medali sohibi hisoblanadi.
Endilikda O‘zbekiston delegatsiyasi medallari sonini 4taga (1-1-2) yetkazgan va umumiy reytingda Qozog‘iston bilan 6-7 o‘rinlarni bo‘lishib turibdi.
