O‘zbekiston xalq artisti Rajab Adashev mashhur film s'yomkasida uning ketmoni qanday qilib uchirilganini sir saqlab qolishni ma'qul ko‘rdi. Bu haqda u “Oila davrasida” gazetasiga bergan intervyusida aytib o‘tdi.
“Abdullajon” filmida aktyor tomonidan jonlantirilgan Bozorboy obrazi film davomida ketmonga mingan holda havoda uchib yurgani ko‘rsatilgan. Bu sahna qanday olingani haqidagi savolni san'atkor ochiq qoldirdi.
“Bu murakkab s'yomka deyiladi, - dedi u. – Hozirgidek zamonaviy texnikalar yo‘q paytda, shunday muvaffaqiyatli tasvirlarni olganimiz sir bo‘lib qolgani ma'qulmi, deyman. Chunki ayrim sodda hamyurtlarimiz ketmonning uchishiga qattiq ishonganda. Hozir bunday kartina olmoqchi bo‘lsangiz, juda oson. Kompyuterda yasab tashlasa bo‘ladi. Lekin bir narsani aniq aytishim mumkinki, o‘sha rolim bilan haqiqatda mening ketmonim uchgan”.