Tramp va Mey Londondagi teraktni muhokama qiladi

AQSh prezidenti Donald Tramp va Buyuk Britaniya bosh vaziri Tereza Mey Londonda sodir etilgan teraktni muhokama qilishadi. Bu haqda brifing vaqtida Oq uyning rasmiy vakili Shon Spayser ma'lum qildi.

U Tramp Angliyadagi voqealardan xabardorligi, Oq uy bu hujumni qattiq qoralashi haqida qo‘shimcha qilgan.

Oxirgi ma'lumotlarga ko‘ra, terrorchi mashina bilan Vestminister ko‘prigi ustida odamlarni bosib o‘tishi va parlament oldida politsiyachilarga hujum qilishi oqibatida 4 kishi halok bo‘lib, 20 kishi jarohatlangan.

Politsiya terakt munosabati bilan Londonda keng ko‘lamli tekshiruvlar boshladi.