Oqqo‘rg‘on tumani hokimi Toshkent viloyati hokimining maslahatchisi etib tayinlandi

Bugun, 7 fevral kuni xalq deputatlari Oqqo‘rg‘on tuman kengashining navbatdan tashqari sessiyasi bo‘lib o‘tmoqda.

Foto: Toshkent viloyati hokimligi axborot xizmati

Toshkent viloyati hokimligi xabariga ko‘ra, sessiyada tashkiliy masala ko‘rildi. Sessiyada kun tartibidagi masala yuzasidan viloyat hokimi vazifasini bajaruvchi Zoyir Mirzayev ma’ruza qildi.

Viloyat rahbari o‘z ma’ruzasida Oqqo‘rg‘on tumanini 2022-2026 yillarda kompleks ijtimoiy-iqtisodiy rivojlantirish borasidagi vazifalar, xususan, Taraqqiyot strategiyasidan kelib chiqib alohida e’tibor berish lozim bo‘lgan ustuvor yo‘nalishlarga to‘xtaldi.

Shu vaqtga qadar Oqqo‘rg‘on tumani hokimi lavozimida ishlab kelgan Farhod Omonov Toshkent viloyati Mahalla va oilani qo‘llab-quvvatlash boshqarmasi boshlig‘ining o‘rinbosari - viloyat hokimining keksalar va faxriylar ishlari bo‘yicha maslahatchisi etib tayinlanishi munosabati bilan tuman hokimi lavozimidan ozod etildi.

Suvda turgan kishilar. Oqqo‘rg‘onda nimalar bo‘lgandi?

#Toshkent viloyati #Oqqo‘rg‘on #Farhod Omonov