Tezkor tadbir Davlat xavfsizlik xizmati xodimlari tomonidan Bosh prokuraturaning Shaxsiy xavfsizlik boshqarmasi bilan hamkorlikda oʻtkazilgan.
Xabarda aytilishicha, prokuror yordamchisi xizmat mavqeidan foydalanib, fuqaroning avtomobil oldi-sotdisiga oid masalasini hal qilib berish hamda bankdan imtiyozli kredit olishida yordam koʻrsatish uchun pul soʻragan.
Tadbir davomida u talab qilingan mablagʻning 4 700 dollarini olgan vaqtda ashyoviy dalillar bilan ushlangan. Tergovga qadar tekshiruvda mazkur fuqarodan avval ham 1 300 dollar olgani aniqlangani bildirilgan.
Hozirda holat yuzasidan prokuror yordamchisiga nisbatan jinoyat ishi qoʻzgʻatish chorasi koʻrilmoqda.
DXX fuqarolardan shunday qonunbuzilish holatlari haqida 1520 qisqa raqami orqali xabar berishni soʻragan. Murojaat qiluvchining shaxsi sir saqlanishi kafolatlangan.
