Prezident: Surxondaryoning 90 foiz aholisi toza ichimlik suvi bilan uzluksiz ta’minlanadi

Ma’lum qilinishicha, hozirda Surxondaryo aholisi 61 foiz ichimlik suvi bilan ta’minlangan. Prezidentga ko‘ra, aholiga suv olib kelish bo‘yicha bugungacha 103 kilometr tarmoq tortilib, ichimlik suvi Sariosiyo, Denov, Sho‘rchi va Qumqo‘rg‘ongacha yetkazilgan.

Mas’ullarga yil yakuniga qadar Sariosiyo, Denov, Sho‘rchi va Qumqo‘rg‘onda ichki suv tarmoqlarni yangilab, aholiga uzluksiz suv berishni boshlash topshirig‘i berildi.

Shu bilan birga, 1 oktyabrga qadar:

— Sherobod va Muzrabotda ichimlik suvi ta’minotini yaxshilash loyihalariga Yevropa investitsiya banki hamda Yevropa tiklanish va taraqqiyot banki mablag‘lari hisobidan 83 mln dollar;

— Sariosiyo, Denov va Jarqo‘rg‘onda oqova suvi tizimini qurish loyihasiga Saudiya taraqqiyot jamg‘armasi mablag‘lari asosida 59 mln dollar yo‘naltirish rejalashtirilgan.