Франция мусулмонлари Ниццадаги терактни қоралашди

Франция мусулмонлари кенгаши Бастилия олиниши муносабати билан Ниццада ўтказилган байрам вақтида содир этилган терактни қоралаб чиқишди. Бу ҳақда Le Figaro ёзмоқда.

«Франция яқиндагина йирик теракт билан юзма-юз келган эди. Кенгаш Ницца халқига ҳамдардлик билдиради. Қурбон бўлганларнинг оила аъзоларига эса чуқур таъзия изҳор этади. Жароҳат олганларни тезроқ соғайиб кетишини тилайди», — дейилади Кенгаш баёнотида.

Кенгаш аъзолари жума куни адо этиладиган ибодатда қурбонларни ёдга олишга чақирди.