«Ўзбекистон ҳаво йўллари» Самарқандга махсус реклама тарифининг амал қилишини узайтирди

«Ўзбекистон ҳаво йўллари» миллий авиакомпанияси Тошкент—Самарқанд—Тошкент йўналишидаги реклама тарифининг амал қилишини узайтиради. Бу ҳақда миллий авиакомпания сайти хабар берди.

Реклама акцияси доирасида иқтисодий классга пасайтирилган махсус тариф бўйича авиачипталар харид қилиш мумкин.

Жорий йилнинг 30 октябридан 2017 йилнинг 31 январига қадар бир томонга авиапарвознинг қиймати қўшимча йиғимларни ўз ичига олган ҳолда 25 еврони ташкил этади.

Ўзбекистон Республикаси резидентлари учун тўлов Ўзбекистон Республикаси Марказий банкининг тўлов кунидаги курси бўйича сўмларда амалга оширилади.