Британиялик ёнган ҳолатда югуриш бўйича жаҳон рекордини янгилади

Британиялик Энтони Бриттон ўзини ёқиб, 180 метрлик масофага югуришга муваффақ бўлди. Бу билан Бриттон жаҳон рекордини янгилади, деб ёзмоқда Daily Mail.

Рекордчи 3 қават комбинезон, шлем ва ботинка кийиб олган, шунингдек, танасига куйишдан ҳимояловчи махсус гель суртилган эди. Энтони тахминан 50 сония масофани босиб ўтди. Ўт ўчирувчилар ерга қулаган экстремалга ёрдам беришга улгуришди ва у кичик жароҳатлар билан чекланди.

Аввалги рекорд америкалик каскадёр Тэд Бэтчелорга тегишли бўлиб, у 160 метрлик масофани босиб ўтган.