Ҳалабдаги мактабга ракета келиб тушиши оқибатида 5 бола ҳалок бўлди

Фото: Reuters

Суриянинг Ҳалаб шаҳрида ўқув биносига берилган ракета зарбаси оқибатида камида 5 бола ҳалок бўлган. Бу ҳодиса Аш-Шухаба мавзесига амалга оширилган ҳужум оқибатида рўй берган. Бу ҳақда SANA агентлиги хабар тарқатган.

Агентлик манбаси маълумотига кўра, ракета зарбаси Ар-Фуркан туманидаги мактабга зарба бериш билан бошланган. Бу ҳужум оқибатида яна 10 бола жабрланган.

Жангарилар Аш-Шуҳаба мавзесидаги шифохона ҳамда шаҳардаги университетнинг юридик факультети биносига ҳужум қилган. Бу ҳужумлар оқибатида бир аёл ҳалок бўлиб, яна 10 киши жароҳатланган.

Тайёрлаган Азиз Қаршиев

#Ҳалаб #мактаб

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.