Шимолий Корея Ким Чен Ин ҳукумат тепасига келгач қанча ракета учирди?

Шимолий Корея томонидан шанба куни учирилган ракета Ким Чен Ин ҳукумат тепасига 2011 йилда келганидан бери 75-шундай синовга айланди. Бу ҳақда Америка ОАВ Nuclear Threat Initiative Database ташкилоти маълумотларига асосан хабар берди.

Шу билан бирга, улардан 58таси муваффақиятли бўлган, 17таси эса – йўқ. Хусусан, сўнгги иккита парвоз, жумладан шанба кунги ҳам, муваффақиятсиз якун топди.

The Washington Post газетасининг эслатишича, шимолий кореялик раҳбарлар АҚШга етиб бориши мумкин бўлган қитъалараро баллистик ракета ишлаб чиқиш лозимлиги ҳақида гапиришганди. Кўплаб экспертлар фикрича, айни дамда КХДР олимлари бунга эришиш учун жуда ҳам кўп техник муаммоларни ҳал қилиши лозим, бироқ охир-оқибат улар ижобий натижани ҳам қўлга киритиши мумкин.