ОПЕКнинг нефть экспортидан даромади 11 йил ичидаги энг паст даражага тушиб кетди

2016 йилда ОПЕК ташкилотига аъзо давлатларнинг нефть экпортидан қилган даромади 2005 йилдан бери энг паст кўрсаткичга тушиб кетди. Бундан картелнинг ҳар йилги статистик ҳисоботи маълумотлари дарак бермоқда.

2016 йилда нефть экспортидан тушган умумий даромад 2015 йил билан таққослаганда 13,2 фоизга тушиб кетди - 445,684 млрд. доллар.

2015 йилда хомашё экспортидан тушган даромад ҳажми 513,430 млрд. долларга тенг бўлган.

ОПЕК максимал даромадни эса 2012 йилда кўрган – ўшанда бу кўрсаткич 1,183 трлн. долларни ташкил қилган.

2016 йил якунларига кўра, нефть экспортидан даромад ҳажмини ошириб олган ягона давлат Эрон бўлди. Даромад 1,5 баробарга ошган - 41,123 млрд. доллар.