ОАВ: Франциядаги масжидлардан бирининг ёнида отишма содир этилди

2 июль кечки вақт Франция жануби-шарқида жойлашган Авиньон шаҳридаги масжидлардан бирининг ёнида отишма содир этилиши оқибатида камида 8 киши жароҳат олди. Бу ҳақда La Provence нашри хабар бермоқда. 

Нашр маълумотларига кўра, воқеа маҳаллий вақт билан соат 22:30ларда юз берган. Ниқобда бўлган 2 эркак масжид ёнига машинада келиб, у ердан чиқаётган одамларга ўқ уза бошлаган. Оқибатда кўчада бўлган 4 киши ва яқин орадаги бинода яшовчи 4 кишидан иборат оила жабр кўрган. 

Воқеа жойига полиция етиб келган. Жиноятчилар яширинишга муваффақ бўлишган.