Париж ва Брюсселда ҳужумлар уюштирган террорчилар қуролни мактабда сақлашган

Париж ва Брюсселда ҳужумларни амалга оширган террорчилар қурол-яроғни Бельгиянинг Лимбург вилояти Меленберг шаҳридаги мактаб ҳудудида жойлашган гаражда сақлашган. Бу ҳақда Het Laatste Nieuws хабар бермоқда.

Хабарга кўра, терговчилар қурол қаерда сақланганини 2015 йилнинг 13 нояюрь куни Парижда юз берган терактларни амалга оширишда асосий гумондор бўлган шахс компьютерини ўрганиб, билиб олишган.

Бельгия давлат хавфсизлик хизматларидан таъкидлашларича, террорчилар қуролларни гаражда сақлашган, бироқ, ҳужумдан бироз аввал уларни бошқа жойга олиб ўтишган.