Парагвайлик футболчи вояга етмаган қизнинг номусига тажовуз қилгани учун 20 йилга қамалиши мумкин

Фото: infobae

Мексиканинг «Ягуарес Чьяпас» клуби ярим ҳимоячиси Хонатан Фабброга вояга етмаган қизнинг номусига тажовуз қилиш бўйича айбловлар қўйилди, деб хабар бермоқда Infobae.

Infobae нашрининг хабар қилишича, 35 ёшли футболчида 11 ёшли қиз билан 5 йил давомида жинсий алоқалар бўлган. Илк бор эса бундай ҳолат, қизча 6 ёшда бўлганида рўй бергани хабар қилинмоқда.

Ҳодиса қизнинг катта акаси туфайли ошкор бўлди. У синглисининг ёзишмаларини кўриб қолиб, бу борада тушунтириш беришни сўраган.

Қизча барчасини тан олган, шундан сўнг унинг онаси полицияга ариза ёзди. Таъкидланишича, Фаббро 20 йилга озодликдан маҳрум этилиши мумкин.