Россиянинг темир йўл қурилиш компанияси жума куни Украина ҳудудини босиб ўтувчи маҳаллий темир йўлнинг қурилиши якунлангани ҳам эксплуатацияга тайёр эканини маълум қилди.
Умумий узунлиги 122 кмни ташкил этувчи мазкур лойиҳа Ростов-Воронеж ҳудудларини янада яқинлаштиради. Лойиҳа 2014 йили старт олган бўлиб, йўлнинг бир неча қисми Украина ҳудудини кесиб ўтувчи техник жиҳатларни ўз ичига қамраб олган.
Айни пайтда темир йўл мутахассислар томонидан синовдан ўтказилмоқда, жорий йилнинг куз ойларининг сўнггида у ишга тушиши режалаштирилган.
Бундан аввал, Россия Транспорт вазири Максим Соколов «икки мамлакат ўртасидаги дипломатик муносабатларнинг қай тарзда кечишидан қатъи назар, лойиҳа давом» этишини билдирган эди.
Маълумот учун, 2014 йил март ойида Қрим автоном республикасининг Россия таркибига қўшиб олиниши билан расмий Киев Кремлга нисбатан муносабатларининг ўзгартирган. Ўтган давр мобайнида Украина ҳукумати жанубий вилоятлардан бири ҳисобланган Донбасс ҳудудида фуқаролар урушининг давом этишида Москва айбдор, деб келмоқда.
