Польша ТИВ раҳбари: Иккинчи жаҳон урушининг бошланишига Советлар Иттифоқи масъул бўлган

Советлар Иттифоқи Германия билан биргаликда Иккинчи жаҳон урушининг бошланишига “жиддий туртки берган”. Бу ҳақда Польша ТИВ раҳбари Витольд Вашчиковский маълум қилди, деб хабар бермоқда Rzeczpospolita нашри.

«Шуни ёдда тутиш лозимки, Советлар Иттифоқи Иккинчи жаҳон урушининг бошланишига жиддий туртки берган ва Польшага худди Германия каби бостириб кирган. Шу тариқа, улар Иккинчи жаҳон урушининг бошланишига масъулдир», - деган Вашчиковский.

Унинг сўзларига кўра, Советлар Иттифоқи Иккинчи жаҳон урушида “ўз манфаатини кўзлаб” иштирок этган, сабаби ўзи немис тажовузкорлиги қурбонига айланган.

Аввалроқ Советлар Иттифоқи Ҳитлер урушга тайёргарлик кўраётганини ҳужумдан уч ой олдин билгани маълум қилинганди.