Калифорниядаги ёнғинлар сабабли 200 мингдан кўпроқ одам эвакуация қилинди

АҚШнинг Калифорния штатида кузатилаётган йирик табиий ёнғинлар туфайли 200 мингдан кўпроқ одам эвакуация қилинди. Бу ҳақда Reuters ахборот агентлиги хабар берди. 

Энг йирик ёнғин ўчоғи Вентура округида кузатилиб, бу ерда губернатор Жерри Браун томондан фавқулодда вазият тартиби киритилди. У ерда 380 минг квадрат километрлик майдон ёнғин ичида қолган. Ёнғин туфайли 150 та уйга зарар етган, у яна бир неча минг иншоотларга хавф солмоқда. Ёнғинга қарши 2,5 минг ўт ўчирувчи курашмоқда.

Яна бир ёнғин қўшни Лос-Анжелес округида давом этмоқда. Бу ерда ёнғин 50 квадрат километр майдонни эгаллаб олган. Округда кейинги ҳафта бошигача 250 дан ортиқ мактаб ва таълим муассасаси ёпиқ бўлади. 

Шунингдек, яна бир ёнғин ўчоғи Лос-Анжелес шаҳрида пайдо бўлган. Шаҳар мэри Эрик Гарсеттининг айтишича, ёнғиннинг 20 фоизини ўчиришга муваффақ бўлинган. 15 мингдан кўпроқ уй электр энергиясиз қолган. Вазият тезлиги 33 м/сониягача етаётган кучли шамол сабабли янада мураккаблашмоқда. АҚШ миллий метеорологик хизмати маълумотларига кўра, шамол камида шанбагача сақланиб қолади.

Ёнғин 4 декабрда бошланиб, Тинч океани бўйидаги Вентура ва Лос-Анжелес шаҳарлари томон тарқала бошлаган.