1 февралдан Сурхондарёда учта олий таълим муассасаси филиали иш бошлайди

Сурхондарё вилоятида Тошкент давлат педагогика университетининг Термиз филиали, Термиз давлат университетининг Денов филиали ҳамда Тошкент тиббиёт академиясининг Термиз филиаллари 2018 йил 1 февралдан фаолиятини бошлайди. 

Бу ҳақда Ўзбекистон Республикаси Олий ва ўрта махсус таълим вазирлиги ахборот хизмати маълум қилди.

Эслатиб ўтамиз, аввалроқ Сурхондарё вилоятида янги олийгоҳлар ишга тушиши хабар берилганди. Маълум қилинишича, 19 январь куни Ўзбекистон Республикаси президенти Шавкат Мирзиёевнинг Сурхондарё вилоятига қилган ташрифи мобайнида пойтахтдаги иккита олийгоҳнинг Термиз филиаллари ташкил этилиши ҳақида айтиб ўтилган.