Украина Россияга авиадвигателлар етказиб беришдан бош тортди

Фото: Виталий Аньков/РИА «Новости»

Украина ҳукумати Россияга йўловчи самолётлари учун Д-436 двигателлари етказиб беришни тақиқлади. Бу ҳақда «Московский комсомолец» Россия саноат вазири ўринбосари Олег Бочаровга асосан ёзмоқда.

«Афсуски, Украина ҳукумати фуқаролик мақсадлари учун 436-двигателни етказиб беришни тақиқлади», - дея айтиб ўтди Бочаров.

Аниқлик киритилишича, Д-436 двигателлари Украинанинг энг йирик двигателсозлик компанияси «Мотор Сич» томонидан ишлаб чиқарилади. Айни дамда Д-436 двигателлари Ан-148 самолётларида ўрнатилиб, улар Воронеж авиасозлик заводида йиғилади.