Бутун Япония бўйлаб 11 март куни 2011 йилда юз берган 9,0 магнитудали вайронкор зилзиланинг 7 йиллигида қурбонларни хотиралаш тадбирлари бўлиб ўтди. Ўша машъум зилзила 17 минг кишининг ҳаётини олиб кетган ва “Фукусима” атом электр станциясидаги фалокатга олиб келган.
Маҳаллий вақт билан 14:46да (Тошкент вақти билан 10:46да) қурбонлар хотирасига бир дақиқалик сукут сақлаш эълон қилинди.
Мамлакат бош вазири Синдзо Абэ ва император оиласи аъзолари Токиодаги тадбирларда иштирок этишган.
Маросимда Абэ мамлакат ҳукумати барча жабрланганлар одатий ҳаётга қайтишлари учун ишлар олиб бораётганини айтди. Унинг айтишича, жорий баҳорда тиклаш ишлари 90 фоизга якунланади.
Абэнинг таъкидлашича, Япония ўша машъум фожиадан сабоқ чиқариб, исталган фожиаларга қарши тура олувчи давлатга айланмоқчи.
