КХДР билан олий даражада учрашув ўтказишга шошилмаслик керак – Япония

Япония ТИВ раҳбари Таро Кононинг маълум қилишича, мамлакат бош вазири Синдзо Абэ ва КХДР етакчиси Ким Чен Ин ўртасида учрашув ўтказишга шошилмаслик керак. Бу ҳақда ТАСС япон ОАВга асосан хабар бермоқда.

«Мен биз умуман ҳеч нарса қилмасак ҳам, бунга қарши эмасман. Шошилишга ҳеч қандай ҳожат йўқ», - дея айтиб ўтди у.

Эслатиб ўтамиз, аввалроқ Таро Коно КХДРда мамлакат янги ядро синовларини ўтказишни режалаштираётганидан дарак берувчи ҳолатлар қайд этилгани ҳақида маълум қилганди. «Айни дамда аввалги ядро синови ўтказилган туннелдан тупроқни олиб чиқиш ишлари олиб борилмоқда. КХДР кейинги синовга тайёргарлик кўрмоқда», - деган у.