Жанубий Африканинг Kulula Airways авиакомпанияси энг кулгили ва аҳмоқона портрет фотолар танлови ҳақида эълон қилди. Уларнинг олтитасидан самолётлар ливрейи сифатида фойдаланилади. Travel and Leisure шу ҳақида хабар берди.
Танловда иштирок этиш учун истаган киши сайтда рўйхатдан ўтиб, ўз суратини юклаши керак. Шундан сўнг сизнинг самолётдаги ливрейингиз қандай кўринишига доир видеосимуляцияни кўриш мумкин бўлади.
Ғолибларнинг ҳар бири шунингдек авиакомпания йўналишларидан бирида ўзининг сурати туширилган самолёт рейсига бепул чипта олади. Танловда иштирок этиш учун аризалар 30 апрелга қадар қабул қилинади.
