Украинада Саакашвилининг сафдоши дўппосланди

Украинанинг Кременчугида номаълум шахслар «Янги кучлар рухи» партияси аъзоси Олег Филипасни дўппослади. Бу ҳақда партия матбуот хизмати фейсбукдаги саҳифасида хабар берган.

«Олег Филипас ҳужумни ўз сиёсий фаоллиги билан боғламоқда – айнан у ўз шаҳрида президент Пётр Порошенкога импичмент учун вечени ташкиллаштирган», - дейилади хабарда.

Партиядан айтишларича, Филипаснинг уйига қуролланган кишилар бостириб кириб, унга жиддий тан жароҳати етказишган. Натижада, таъкидланишича, эркакнинг кўп жойлари синган. У жарроҳлик амалиётига тайёрланмоқда.

Жабрланувчининг ўзи ҳам ҳужумни «маҳаллий бюджетлар қандай қилиб талон-торож этилиши» ҳақида ҳикоя қилувчи материаллар эълон қилингани билан боғлаётганини айтди.

«Янги кучлар руҳи» - Украинадаги сиёсий партия бўлиб, унга Одесса области собиқ губернатори ва Грузия собиқ президенти Михаил Саакашвили раҳбарлик қилади.

Эслатиб ўтамиз, аввалроқ Саакашвили Порошенко уни Савченконинг ишига боғламоқчи эканини маълум қилганди.