Индонезия хавфсизлик хизмати маҳбуслар исён кўтариши оқибатида 5 полициячи ҳалок бўлган турмада назоратни қўлга олишди. Исёнчилар таслим бўлишган, деб хабар берди Jakarta Post нашри.
Террорчиликда айбланганлар сақланувчи турмадаги тўқнашувлар 8 майнинг иккинчи ярмида бошланиб, 10 май эрталабга келибгина тўхтатилган. Хавфсизлик ишлари вазирининг маълум қилишича, аксарият маҳбуслар қаршилик кўрсатишмаган.
“145 нафарга яқин маҳбус қаршиликсиз таслим бўлган. 10 маҳбус аввал қаршилик кўрсатган, бироқ охир-оқибат ўзидан анча кўпроқ куч олдида таслим бўлган”, деб айтган вазир.
