Ўзбекистон Республикаси Марказий банки бошқарувининг қарори билан Микрокредит ташкилотлари томонидан молиявий операцияларни амалга ошириш қоидаларига ўзгартириш ва қўшимча киритилди.
Микрокредит ташкилотлари томонидан молиявий операцияларни амалга ошириш қоидаларига киритилаётган ўзгартириш ва қўшимча:
1. 4-банд қуйидаги таҳрирда баён этилди:
“4. Микрокредит ташкилотининг капитали куйидаги компонентлардан иборат:
а) устав капитали;
б) захира капитали;
в) тақсимланмаган фойда;
г) бошқа ўз маблағлари.”.
2. 6-банд қуйидаги мазмундаги хатбошилар билан тўлдирилди:
“микромолиявий хизматлар кўрсатиш шартномалари бўйича йиллик қарз суммасининг ярмидан кўп миқдорида фоизлар ҳисоблаш, комиссия ва неустойка (штраф, пеня) ундириш, жавобгарликнинг бошқа чораларини қўллашга;
кредит буюртмаларини кўриб чиқиш, микрокредитлар (микроқарзлар) ажратиш, ссуда ҳисобварақларига хизмат кўрсатиш учун тўловлар, шунингдек жисмоний шахслар томонидан микрокредитлар (микрокарзлар) муддатидан илгари сўндирилганлиги учун неустойка ундиришга.”.
