Пентагон раҳбари Жеймс Мэттис Японияга ташриф буюриб, мамлакат мудофаа вазири Ицунори Онодэра билан музокаралар ўтказишни режалаштирмоқда. Учрашув июнда бўлиб ўтиши керак, деб хабар қилмоқда Kyodo агентлиги манбаларга асосан.
Агентлик манбаларининг хабар қилишича, Мэттис Японияга АҚШ ва КХДР ўртасида 12 июнь куни Сингапурда бўлиб ўтиши керак бўлган саммитдан сўнг ташриф буюришни мўлжалламоқда. Таъкидланишича, ҳарбий маҳкама раҳбарлари Шимолий Кореяга босим ўтказиш бўйича кейинги ҳаракатларни муҳокама қилади. Мамлакатлар Шимолий Корея томони Корея ярим оролининг бутунлай ядросизланишини амалга оширмагунга қадар шундай стратегияга амал қилади.
Манбалар маълумотига кўра, саммитдан сўнг Қўшма Штатлар президенти Дональд Трамп ҳам Японияга бориши мумкин. Шунингдек, қайд этилишича, Мэттиснинг ташрифи япон ҳукумати илтимоси билан амалга оширилади.
Эслатиб ўтамиз, аввалроқ Хитой АҚШга Корея ярим ороли бўйича чақириқ билан чиққанди.
