Тошкент - Термиз - Тошкент йўналишидаги авиақатновлар сони оширилди

 
«Ўзбекистон ҳаво йўллари» МАК 2018 йилнинг 29 майидан бошлаб, Тошкент-Термиз-Тошкент йўналишида қатновлар сонини ҳафтасига 3тадан 4тагача оширмоқда. Бу ҳақда МАК ахборот хизмати хабар берди.

Тўртинчи мунтазам қатнов сешанба кунлари Boeing-757 замонавий самолётларида қуйидаги жадвал бўйича амалга оширилади (маҳаллий вақт):

Сешанба: HY-065 Тошкент 10:35 - Термиз 11:50
Чоршанба: HY-066 Термиз 00:05 – Тошкент 01:20

Эслатиб ўтамиз, аввалроқ МАК Урганчга қўшимча қатновларни амалга ошириши хабар қилинганди.