Жорий йилда Ўзбекистонда Қурбон ҳайити намози 21 августда ўқилади. Муфтий Усмонхон Алимов Маккадаги ўзбекистонлик зиёратчилар билан учрашувда шу ҳақида маълум қилди.
"Тақвимда ёзиб қўйилган: Ойга қараб бир кунда ўзгариши мумкин. Саудияда Ойни кўришибди, шунинг учун Зулҳижжа ойи киргандан кейин, иншааллоҳ 21 август куни Ҳайит намози бўлади. Биз Тошкентга ҳам хабарини бердик - ўзимизнинг юртимизда ҳам 21 август куни Худо хоҳласа, Ҳайит намози ўқилади", - дейди у Маккада ўзбекистонликларга қарата.
