Венесуэла бош прокурори Тарек Вильям Саабнинг маълум қилишича, мамлакат етакчиси Николас Мадурога суиқасд қилишда гумонланаётган мухолифат сиёсатчиси Фернандо Альбан Салазар ўз жонига қасд қилди. Бу ҳақда VTV хабар бермоқда.
Саабнинг сўзларига кўра, Салазар миллий разведка хизматининг бош қароргоҳига олиб борилганидан кейин ўз жонига қасд қилган.
Шунингдек, унинг таъкидлашича, Венесуэла бош прокуратураси ҳодиса юзасидан тергов бошлаб юборди.
Эслатиб ўтамиз, аввалроқ Мадуро БМТга илтимос билан чиққанди.
Венесуэла президенти БМТга ўзига уюштирилган суиқасдни халқаро текширувдан ўтказиш ҳақида мурожаат билан чиқди. Бу ҳақда у БМТ Бош ассамблеясининг 73-сессиясидаги нутқи давомида айтиб ўтган.
