Германияда Кельн-Франкфурт йўналиши бўйича қатновчи ICE поезди ҳаракатланаётганда ёниб кетди. Поезддаги 510 йўловчи эвакуация қилинган, 5 киши енгил жароҳат олган.
Воқеа маҳаллий вақт билан 6:30да, поезд икки станция орасида ҳаракатланаётганда юз берган. Таъкидланишича, поезднинг охирги 2 вагони тўлиқ ёниб кетган. Йўловчилар автобуслар билан яқин орадаги станцияга етказилиб, у ердан йўлларини давом эттиришган.
Дастлабки маълумотларга кўра, ёнғин техник носозлик сабабли юз берган.
