Оқ уй Жамол Қошиқчи бўйича баёнот билан чиқди

Фото: REUTERS

Оқ уй журналист Жамол Қошиқчининг ҳаётдан кўз юмгани ҳақидаги хабарлардан сўнг таъзия изҳор қилди. Бу ҳақда NBC News хабар бермоқда.

Баёнотга кўра, Америка томони ҳодисани суриштирувдан ўтказиш ишларини жиддий кузатишда давом этмоқда. Таъкидланишича, Қўшма Штатлар барча нормаларга жавоб берадиган шаффоф текширувдан манфаатдордир.

«Биз жаноб Қошиқчи ҳаётдан кўз юмгани ҳақидаги хабарларни эшитиб қайғуга тушдик, унинг оиласи, қаллиғи ва дўстларига таъзия изҳор этамиз», - дея таъкидлаб ўтишган идорадан.

Эслатиб ўтамиз, аввалроқ Саудия подшоҳи Қошиқчининг ўлимига оид маълумотлар ортидан амалдорларни ишдан ҳайдаганди.

#АҚШ #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди