Ўзбекистон - Руминия сиёсий маслаҳатлашувлари ўтказилди
2018 йилнинг 30 октябрь куни Ташқи ишлар вазирлигида Ўзбекистон Республикаси ва Руминия ташқи сиёсат идоралари ўртасида сиёсий маслаҳатлашувларнинг бешинчи раунди бўлиб ўтди. Бу ҳақда ТИВ хабар бермоқда.
Руминия делегациясига Ташқи ишлар вазирлигининг давлат котиби (вазир ўринбосари) Данут Себастиан Некулаэску бошчилик қилди.
Суҳбат чоғида икки томон муносабатларидаги кенг қамровли масалалар ҳамда Руминиянинг 2019 йил 1 январдан эътиборан ЕИдаги раислигини инобатга олган ҳолда «Ўзбекистон – Европа Иттифоқи» шаклидаги ҳамкорликнинг истиқболли масалалари батафсил муҳокама қилинди.
Музокараларда сиёсий, савдо-иқтисодий, инвестицион, маданий-гуманитар соҳаларда Ўзбекистон-Руминия мулоқотини мустаҳкамлаш ва янада ривожлантириш, парламентлараро алоқаларга тизимли тус бериш, икки мамлакат ишбилармон доиралари, жумладан туристик компаниялари ўртасидаги тўғридан тўғри алоқаларни ўрнатиш ва рағбатлантириш муҳимлиги қайд этилди.
Учрашувда ҳамкорликнинг янги механизми – Иқтисодий ҳамкорлик бўйича ҳукуматлараро комиссияни жорий этишдан томонлар манфаатдор эканлиги қайд этилди. Ушбу комиссия мажлисларини мунтазам ўтказиш мавжуд вазиятга тезда жавоб қайтариш ва масалаларни ҳал қилиш, товар айланмаси номенклатурасини кенгайтириш, Ўзбекистон ва Руминиянинг инвестицион фаоллигини қўллаб қувватлаш имконини беради.
Музокараларда Руминия элчиси Ромео Станчо иштирок этди.
Мавзуга оид
09:50 / 20.09.2024
Тошкентда Ўзбекистон-Озарбойжон маслаҳатлашувлари бўлиб ўтди
23:30 / 17.09.2024
Руминияда номаълум эркак парламент биносига ўт қўйди. Қарийб 300 киши эвакуация қилинди
14:23 / 16.09.2024
Европада кучли сув тошқинлари — фотосуратлар
20:49 / 14.09.2024