Самарқанд - Қарши йўлида «Кобальт» ағдарилиб кетди. Бир киши воқеа жойида ҳалок бўлди

Самарқанд туманида шу йилнинг 2 январь куни Сурхондарё вилояти Термиз шаҳрида яшовчи Р.Ж. бошқарувидаги “Кобальт” русумли автомашинани Янгиариқ маҳалласи ҳудудидан ўтувчи “Самарқанд-Қарши” йўлининг 6-км.да ҳайдаб кетаётиб, бошқарувни эплай олмай шу ердаги айланма йўл бетон тўсиғига урилиб, ағдарилиб кетган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада автомашина йўловчиси Ш.Х. жароҳат олиб воқеа жойида вафот этган ва қолган уч нафар йўловчилари жароҳат олиб касалхонага ётқизилган.

Ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.