АҚШ ва КХДР вакиллари АҚШ президенти Дональд Трамп ва КХДР раҳбари Ким Чен Ин ўртасида Ханой шаҳрида учрашув ўтказиш эҳтимолини муҳокама қилишмоқда. Бу ҳақда Bloomberg агентлиги хабар берди.
Агентликнинг билдиришича, Вашингтон шунингдек, Индонезия, Монголия, Гавайи ва КХДР ҳамда Корея Республикаси чегарасидаги Пханмунжом чегара пунктини ҳам эҳтимолий учрашув жойи сифатида кўриб чиқмоқда.
Якшанба куни Трамп АҚШ иккинчи саммитни ўтказиш учун КХДР билан музокара ўтказаётганини маълум қилганди.
Икки давлат раҳбарлари ўртасидаги биринчи учрашув ўтган йилнинг 12 июнида Сингапурда бўлиб ўтганди.
