Фото: Depositphotos
2019 йил 1 февраль куни соат 21.30ларда Тошкент вилоятининг Пскент тумани Майлобод маҳалласида яшовчи О.Ф. маст ҳолда Ойбек маҳалласи ҳудудида жойлашган “Анор” чойхонаси олдида қаровсиз қолдирилган Митан маҳалласида яшовчи Ш.Д.га тегишли “ВАЗ-2106” русумли автомашинани ҳайдаб қочган.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада А.Темур кўчасида ушбу автомашина бошқарувини эплай олмай, қарама-қарши йўналишга чиқиб кетган ва фуқаро М.А. бошқарувидаги бошқа бир “Nexia” русумли автомашинаси билан тўқнашув содир этган.
Кўрилган чоралар натижасида О.Ф. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
