Туркия Сурия бўйича режалардан бирига қарши чиқди

Фото: AFP

Туркия ташқи ишлар вазири Мавлуд Чавушўғлининг маълум қилишича, мамлакат ҳукумати Суриядаги кескинликдан холи ҳудудга қарши чиқади, сабаби у ерда курдларнинг ўзини ўзи мудофаа қилиш отрядлари яширинган бўлиши мумкин. Вазирнинг сўзлари Reuters томонидан келтирилган.

Чавушўғлининг таъкидлашича, Туркия ҳукумати кескинликдан холи ҳудудда «террорчилар» бор, деб ҳисоблайди. Шу сабабли, Туркия Суриянинг Манбижи бўйича АҚШ билан музокараларни фаоллаштирмоқда, деди вазир.

Эслатиб ўтамиз, аввалроқ Сурияда террорчилар туфайли етказилган зарар миқдори ҳисобланганди.