Украина МСК 40 фоиздан ортиқ овозни ҳисоблаб чиқди, Зеленский етакчилик қиляпти

Фото: REUTERS/Valentyn Ogirenko

Шоумен Владимир Зеленский Украина президентлиги учун сайловларда 40,09% овозлар қайта ишлангандан кейин етакчилик қилмоқда. Бу ҳақда РИА «Новости» Украина МСКга асосан хабар берди.

Агентлик маълумотларига кўра, Зеленский сайловчиларнинг 30,22% овозини тўплаган.

Қайд этилишича, иккинчи ўринни Украина етакчиси Пётр Порошенко 16,65 фоиз овоз билан эгаллаб турибди.

Шу билан бирга, етакчилар учлигига «Батькившчина» партияси раҳбари Юлия Тимошенко 13,13% овоз билан якун ясаб берган.

Хабарларга кўра, Украинанинг деярли 11 миллион фуқароси мамлакат президентлиги учун сайловларда овоз беришда қатнашмаган.

ТАСС маълумотларига кўра, ҳаммаси бўлиб тахминан 18,8 млн украиналик сайлов бюллетенларини олган.

Таъкидланишича, Украинанинг 1 миллиондан 3 миллионгача бўлган фуқаролари мамлакат ички қонунчилиги ўзига хос хусусиятлари туфайли овоз бера олишмаган.

Бундан олдин, Зеленский ва Порошенко иккинчи турга ўтишгани хабар қилинганди.

Украина Марказий Сайлов комиссияси овоз бериш якунларини 10 апрелга қадар эълон қилади. Иккинчи тур 21 апрель кунига белгиланган.

Тайёрлаган: Отабек Матназаров

#Украина #сайлов #Володимир Зеленский

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.