Наманган шаҳрида жойлашган “Мехмаш” МЧЖ корхонаси юқори сифатли шуруп ва саморезлар ишлаб чиқариш билан шуғулланиб, нафақат Ўзбекистон бозорини, балки яқин хориж бозорларини ҳам ўз маҳсулотлари билан таъминлаб келмоқда.
Ҳозирда корхона Қирғизистон, Тожикистон, Озарбойжон ва Россия каби мамлакатларга ўз маҳсулотларини экспорт қилмоқда. Эндиликда Шарқий Европа орқали Ғарбий Европага кириб бориш ҳамда Эрон орқали Араб давлатларига экспорт сари интилмоқда.
Куни кеча завод изланишларнинг самараси ўлароқ турли хилдаги, жумладан, прессшайбали, евровинт, ўткир тиғли, дераза ромлари ва сендвич панеллар учун махсус саморезларни ҳам ишлаб чиқариш йўлга қўйилди. Улар маиший ҳаётда кенг қўлланишга мўлжалланган бўлиб, Тайван технологияси бўйича тайёрланади.
Компанияда ишлаб чиқариш йўлга қўйилган маҳсулотлар:
Том саморезлари – том тунукаларини (профнастил) ёғоч ёки металл конструкцияларга қотиришда ишлатилади. Бу саморезда ўзининг бош қисмидан ташқари алоҳида EPDM резина қопламали шайба ўрнатилган бўлиб, бу резина сув ёки намликни сизиб ўтишига йўл қўймайди. Ёғочдан ишланган материалларни ўрнатишда ишлатилади. Кичик бурамаси мавжудлиги сабабли ёғоч маҳсулотларини осонгина бураб, кириб кетишга мўлжалланган.Корхона турли ўлчамда ҳамда турли рангларда ишлаб чиқаришни йўлга қўйган.
Том саморезларининг яна бир тури – бу қалин металл конструкцияларга қотириш учун мўлжалланган сариқ қопламали саморез. Бу турдаги саморезлардан асосан метални металга қотиришда кўпроқ фойдаланилади.
Сэндвич панел саморези – турли қалинликдаги сэндвич панелларни метал ёки ёғочли конструкцияга қотиришда ишлатилади. Бу саморез ҳам сэндвич панелни мустаҳкам ушлаши ва конструкция ичига намлик ўтказмаслиги учун EPDM қопламали шайба билан жиҳозланади. Саморез уч қисмига тешиб кириш учун бурғиловчи шакл берилган.
Прессшайбали саморезлар
