Сан-Себастьяннинг «Реал Сосьедад» клуби собиқ футболчиси Антуан Гризманнинг трансферидан мўмайгина пул ишлаб оладиган бўлди. Басклар 2014 йил Гризманни «Атлетико»га сотаётган вақтда шартномага унинг бўлажак трансферидан 20% улуш олиш шартини киритишган.
Ушбу келишувга кўра «Сосьедад» Гризманнинг трансферидан 24 миллион евро ишлайди. Франциялик футболчи 2014 йилда «Атлетико»га 30 миллион евро эвазига айнан «Реал Сосьедад»дан ўтганди. «Барселона» эса Гризманн учун 120 миллион евро тўлади.
