Тошкент халқаро аэропорти автотураргоҳида ўғирлик содир этилди

Фото: KUN.UZ

17 октябрь куни тахминан соат 13:00да Сергели туманида номаълум шахс халқаро аэропорт ёнидаги автотураргоҳда бўла туриб, 40 ёшли М.С. томонидан қаровсиз қолдирилган сумкани ўғирлаб кетган.

Жабрланувчининг гапларига қараганда, сумкадан 500 АҚШ доллари бўлган. Бу ҳақда Тошкент шаҳар ИИББ хабар қилмоқда.

Ушбу факт асосида Ўзбекистон Республикаси Жиноят кодексининг 169-моддаси (“Ўғрилик”) бўйича жиноий иш қўзғатилди. Гумонланувчининг шахсини аниқлаш ва қўлга олиш бўйича чоралар кўрилмоқда.

“Ҳурматли ҳамшаҳарлар ва Тошкент меҳмонлари! Жамоат жойларида шахсий буюмларингизни қаровсиз қолдирманг”, - дейилади ИИББ хабарида.

#аэропорт #ўғирлик