Франция полицияси ичида 31 покистонлик муҳожир бўлган юк машинасини ушлади

Юк машинаси Италия билан чегарада текширувдан ўтаётган чоғида ичида одамлар борлиги маълум бўлган.

Франция полицияси мамлакат жанубида ичида камида 31 нафар покистонлик муҳожир бўлган юк машинасини ушлади. Бу ҳақда прокуратура баёнотига асосланиб Франция ОАВ хабар берди.

Хабар қилинишича, машина покистонлик шахс бошқарувида бўлиб, у қўлга олинган. Юк машинаси Италия билан чегарада текширувдан ўтаётган чоғида ичида одамлар борлиги маълум бўлган.

Барча муҳожирлар тегишли процедураларга мувофиқ Италияга топширилган.

Эслатиб ўтамиз, ўтган ҳафтада Британияда ичида 39 жасад бўлган юк машинаси топилганди. Ҳалок бўлганлар Вьетнам фуқаролари бўлишган.